TOShKENT, 6 apr — Sputnik. O‘zbekistonda yana yetti kishida koronavirus aniqlanib, jami holatlar soni 397taga yetdi, deb xabar qildi Sog‘liqni saqlash vazirligi matbuot xizmati.
Bugun, 6-aprel kuni bemorlar soni 55 kishiga ortdi. Kecha esa 76 kishida virus tasdiqlangan edi.
So‘nggi ma’lumotlarga ko‘ra, koronavirus aniqlangan hududlar soni 10 taga yetgan – 5-aprelda Qoraqalpog‘istonda ham dastlabki bemorlar aniqlandi.
Ayni paytgacha 30 kishi sog‘aydi. Qurbonlar – 2 nafar: 72 yoshli namanganlik ayol va Toshkentda yashagan 39 yoshli shifokor.
Shuningdek, 6-aprel kuni TIV Nyu-Yorkda ikki nafar O‘zbekiston fuqarosi vafot etganini tasdiqladi. Bu xorijdagi o‘zbekistonliklar orasida koronavirusdan dastlabki o‘lim holatlari bo‘ldi.
