TOShKENT, 26-iyun - Sputnik. O‘zgidrometeorologiya markazining xabar berishicha, 27-iyun, shanba kuni butun O‘zbekiston bo‘ylab salqin, biroz nam ob-havo bo‘ladi.
Toshkent, Jizzax, Samarqand, Sirdaryo viloyatlarida havo biroz bulutli bo‘ladi, Farg‘ona vodiysida esa qisqa muddatli yomg‘ir yog‘ib, momaqaldiroq bo‘ladi.
Kunduzi havo harorati +27 ... + 32 darajagacha pasayadi. Sovuq frontning kelishi tufayli 26 va 27-iyun kunlari respublikaning barcha hududlarida shamolning tezligi 15-20 m/s gacha, ba’zi joylarda 23-28 m/s gacha kuchayishi kutilmoqda.
28 iyun, yakshanba kuni respublikada salqin va quruq havo saqlanib qoladi. Kuchsiz shamol esadi.
Kichik yog‘ingarchiliklar faqat tog‘oldi va tog‘li tumanlarda bo‘ladi. Kunduzi harorat +27 ... + 32 daraja, kechasi esa +15 ... + 20 darajagacha pasayadi.
