TOShKENT, 11 avg - Sputnik. Federatsiya kengashida Belarusdagi noroziliklar G‘arb tomonidan tashkillashtirilganligini aytishdi. RIA Novosti xabari asosida.
"Minsk va boshqa belarus shaharlarida davom etayotgan norozilik aksiyalari Belarusdagi vaziyatni izdan chiqarish uchun g‘arb davlatlari tomonidan tashkillashtirilgan, dedi RIA Novostiga senator Oleg Melnichenko.
U dushanba kuni Minskdan qaytgan, Melnichenko u yerda MDH PAA guruhi koordinatori sifatida Belarusdagi prezident saylovlari borishini kuzatgan edi.
"Minskdagi bu tartibsizliklarning barchasi xorijiy hamkasblarimiz tomonidan Belarusdagi ichki siyosiy holatni izdan chiqarish maqsadida foydalaniladigan texnologiyalar tufayli yuzaga kelgan. Bu yerda, AQShsiz ham kechmagan, albatta", - dedi Melnichenko.
Yakshanba kuni Belarusda prezident saylovlari bo‘lib o‘tdi. MSK taqdim ma’lumotlarga ko‘ra, Lukashenko 80,08% ovoz olgan, ikkinchi o‘rinda 10,09% ovoz bilan Svetlana Tixanovskaya kelmoqda.
Yakshanba va dushanba kunlari Belarusning qator shaharlarida ommaviy sanksiyalanmagan norozilik aksiyalari bo‘lib o‘tdi. Miting qatnashchilari Minsk markazida axlat baklaridan barrikadalar tashkil qildilar. Militsiya ularga qarshi ko‘z yosh keltiruvchi gaz, vodomet va yorug‘lik granatalarini qo‘lladi.
