TOShKENT, 20 sen — Sputnik. Sankt-Peterburg –Toshkent va Moskva-Toshkent yo‘nalishi bo‘yicha qo‘shimcha charter reys amalga oshiriladi. Bu haqda “Uzbekistan Airways” kompaniyasi matbuot xizmati xabar qildi.
“O‘zbekiston Respublikasi fuqarolari o‘z Vatanlariga qaytib kelishlari uchun qulay shart-sharoitlar yaratish maqsadida “Uzbekistan Airways” aviakompaniyasi 2020-yil sentabr oyida Rossiya Federatsiyasi (Moskva, Sankt-Peterburg) shaharlaridan Toshkentga charter qatnovlarga erkin sotuv ochilganini ma’lum qiladi”, - deyilgan xabarda.
Qo‘shimcha HY 3602 Moskva-Toshkent reysi 23, 24, 25, 30-sentabr, HY 3602 Sankt-Peterburg-Toshkent reysi reysi 25, 28, 30-sentabr kuni amalga oshiriladi.
Parvozlar jadvali bilan aviakompaniyaning rasmiy veb-saytida tanishish mumkin.
Ma’lumot uchun: Parvozga faqat 72 soat oldin PZR tahlili topshirganligi to‘g‘risida ma’lumotnomaga ega bo‘lgan O‘zbekiston respublikasi fuqarolari qo‘yiladi.
Eslatib o‘tamiz, Uzbekistan Airways 17-sentabrdan boshlab Moskvadan kuniga 2 marotaba aviaparvozlar tashkil qilishni boshlagan edi. Ayni damda chiptalar erkin savdoda sotilmoqda.
