Jamiyat

Oʻzbekiston Sanepidemiologiya xizmati AstraZeneca boʻyicha rasmiy pozitsiyani bildirdi

© AFP 2018
 - Sputnik Oʻzbekiston, 1920, 13.03.2021
Bugunga kelib qator davlatlar AstraZeneca vaktsinasidan foydalanishni qisman yoki toʻliq toʻxtatishgan.
TOSHKENT, 13 mar - Sputnik. Oʻzbekiston Sanitariya-epidemiologik osoyishtalik va jamoat salomatligi xizmati AstraZeneca vaktsinasi atrofida yuz berayotgan voqealar fonida ushbu vaktsina boʻyicha rasmiy pozitsiyani bildirib oʻtdi.
Shprits na fone logotipa AstraZeneca - Sputnik Oʻzbekiston, 1920, 13.03.2021
Jamiyat
YEI davlatlari AstraZeneca bilan emlashni toʻxtatdi. Oʻzbekiston qanday yoʻl tutadi?
"...qanday vaktsina boʻlishidan qatʼiy nazar COVID-19 ga qarshi emlanish va kasallikdan himoyalanish imkoniyatining borligiga, kasallanib qolishdan ham ogʻir oqibatlarga mubtalo boʻlishdan saqlanib qolishning imkoniyati sifatida qaralishi kerak. Zero, biz kelajagi buyuk davlatni qurishga kirishgan ekanmiz, yuqumli kasalliklardan holi, epidemik barqaror hududda yashashga barchamiz haqlimiz", - deyiladi Sanitariya-epidemiologik osoyishtalik va jamoat salomatligi xizmati tomonidan eʼlon qilingan rasmiy bayonotda.
Xabarda Birlashgan millatlar tashkiloti Bosh kotibi Antoniu Guterrishning "COVID-19 ga qarshi vaktsinalar global imkoniyat sifatida qaralishi va 2021 yil davomida 2 mlrd doza xavfsiz va samarali vaktsina aholiga yetkazilishi lozimligi" haqidagi fikri keltirib oʻtilgan. "
COVAX jamgʻarmasi tomonidan sobiq ittifoq davlatlariga 7.2 mln doza COVID-19ga qarshi vaktsina ajratilishi rejalashtirilayotgan boʻlsa, ularning 90% dan ortiqrogʻi Buyuk Britaniya va Shvetsiya davlatlarining AstraZeneca kompaniyasi va Oksford universiteti tomonidan yaratilgan vaktsina hisoblanadi. Ozarbayjon, Moldaviya va Ukraina davlatlarida esa, AstraZeneca vaktsinasini qoʻllash boshlab yuborilgan. Bugungi kunda AstraZeneca vaktsinasidan 240 mln. doza ishlab chiqilgan boʻlsa, ushbu vaktsina bilan 92 ta davlat oʻz aholisini emlamoqda. Faqat, Hindiston davlati ushbu vaktsina bilan 20 milliondan ortiq aholisini emlagan boʻlib, emlanganlar orasida birorta ham nojoʻya taʼsirlar va oʻlim holatlari kuzatilgani yoʻq", - deyiladi xabarda.

Emlash jarayonining toʻxtatilishi

Bugunga kelib qator davlatlar AstraZeneca vaktsinasidan foydalanishni qisman yoki toʻliq toʻxtatishgan. Davlatlar roʻyxati quyidagicha: Avstriya, Estoniya, Litva, Latviya, Lyuksemburg, Kipr, Daniya, Norvegiya, Islandiya, Italiya, Bolgariya, Rumыniya, Tailand.Bunday qaror qabul qilinishiga preparatdan foydalangach yuzaga kelayotgan tromboz holatlari haqidagi xabarlar sabab boʻlgan. Preparatdan foydalanishni birinchilardan boʻlib Avstriya hukumati toʻxtatgan. Venadan keyin Daniya, Norvegiya va Islandiya ham shunday qaror qabul qilgan. Estoniya, Litva, Lyuksemburg, Kipr va Latviya AstraZeneca vaktsinasining muammoli partiyasidan foydalanishdan voz kechgan.Italiya ham muzokarali bir partiyani man etgan.2021 yil 10 mart holatiga koʻra, Yevropa iqtisodiy zonasida COVID-19ga qarshi AstraZeneca vaktsinasi bilan emlangan insonlar orasida 30ta tromboembolik asoratli holatlar qayd etilgan, shu jumladan, bir inson hayotdan koʻz yumgan.Bu besh million emlanganlar ichida 30ta asoratli holatlar demakdir.

Butunjahon sogʻliqni saqlash tashkiloti nima deydi?

Butunjahon sogʻliqni saqlash tashkiloti mutaxassislari Yevropa ittifoqining ayrim mamlakatlari AstraZeneca vaktsinasidan foydalanishdan voz kechishgani haqidagi xabarlarni tahlil qilmoqda.Bu haqda BSST vakili RIA Novostiga bergan intervyusida maʼlum qilgan.Tashkilot, deya aniqlik kiritgan suhbatdosh, nima yuz berayotgani borasida aniq tushunchaga ega boʻlgach, oʻz xulosalarini ommaga eʼlon qiladi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala