Jamiyat

Fashizmga oʻrin yoʻq: fargʻonaliklar 9 may plakatida nemis askarlarini payqab qolishdi

Skandal v Fergane: na plakate v chest Pobedы poyavilis nemetskiye soldatы
Skandal v Fergane: na plakate v chest Pobedы poyavilis nemetskiye soldatы - Sputnik Oʻzbekiston, 1920, 09.05.2021
Kim plakat maketini tayyorlagan, nega bu rasmni tanlagan bularning bari batafsil oʻrganib chiqiladi, deyiladi hokimlik bayonotida
TOSHKENT, 9 may - Sputnik. Fargʻonada boʻlib oʻtgan Gʻalaba kuniga bagʻishlangan bayramona plakatda mahalliy aholi juda katta xatolikni payqab qolishdi. Maʼlum boʻlishicha, koʻchma plakatda "Xotira bor ekan – millat barhayot" soʻzlari ostida Vermaxt soldatlari rasmi tushirilgan boʻlgan.
Prezident Shavkat Mirziyoyev vozlojil tsvetы v memorialnom komplekse Oda stoykosti - Sputnik Oʻzbekiston, 1920, 09.05.2021
Siyosat
Mirziyoyev: Biz – bugungi minnatdor avlodlar jasur otalarimiz bilan umrbod faxrlanamiz
"Fargʻona shahrida Xotira va qadrlash kuni hamda fashizm ustidan qozonilgan buyuk Gʻalabaning 76 yilligi katta tantana bilan nishonlandi. Tadbirlar "Vatanparvarlar bogʻi" oldida katta harbiy parad bilan boshlandi. Soʻngra viloyat rahbarlari, Sharqiy harbiy okrug qoʻmondonligi, viloyat kuch ishlatar tuzilmalari rahbarlari, va viloyat boshqarmalari boshliqlari "Motamsaro ona" haykali poyiga gulchambar qoʻyib, oʻtganlar xotirasiga hurmat bajo keltirdilar. "Vatanparvarlar bogʻi" hududida tadbir ishtirokchilari eʼtiboriga teatrlashtirilgan ikkinchi jahon urushi davri sahnalari namoyish etildi. Xronologik tartibda tashkil etilgan sahna koʻrinishlarida Fargʻona viloyatida ikkinchi jahon urushi haqida shumxabarni radio orqali aholiga yetib kelishidan boshlab, mard oʻgʻlonlarning ixtiyoriy jangga otlanishi, urush davridagi qahramonliklari, gʻalaba nashidasini surib, uyga qaytishlari jonlantirildi. Shunday katta bayram tantanalari ichida bogʻ hududiga “Tasviriy oyina” ijodiy uyushmasi Fargʻona viloyat boʻlimining qoʻpol texnik xatosi va eʼtiborsizligi natijasida “Xotira bor ekan – millat barhayot” soʻzlari ostida Vermaxt soldatlari rasmi tushirilgan koʻchma plakatning oʻrnatilgani oʻta yoqimsiz holat boʻldi", - deyiladi xabarda.
Hozirda viloyat hokimligi tomonidan ushbu masala yuzasidan oʻrganish boshlandi. Dastlabki surishtiruvga koʻra, internetdan ikkinchi jahon urushi davri bilan oid rasmlarga qidiruv berib, yetarli bilimsizlik tufayli tasodifiy rasmni olingani, plakat dizaynida foydalanilgani maʼlum boʻldi.
Kim plakat maketini tayyorlagan, nega bu rasmni tanlagan, nega tasdiqlatilmagan holda oʻrnatilgan, bularning bari batafsil oʻrganib chiqiladi. Aybdorlarga keskin choralar koʻriladi, deb vaʼda beradi hokimlik.
Hozirda u koʻchma plakat "Vatanparvarlar bogʻi"dan olib tashlandi, oʻrniga ikkinchi jahon urushida qahramonlik koʻrsatgan oʻzbek jangchilari tasvirlangan banner oʻrnatilishi rejalashtirilgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala