Rossiya

Roskomnadzor Google'ga xat yuborib, RT kanallaridan cheklovlarni olib tashlashni talab qildi

© AFP / MARTIN BUREAUYouTube logotip
YouTube logotip - Sputnik Oʻzbekiston, 1920, 29.09.2021
Roskomnadzor YouTubeni RT kanallari oʻchirib tashlanishi sababli blokirovka qilish bilan tahdid qildi.
TOSHKENT, 29 sen — Sputnik. Roskomnadzor Googledan YouTube-kanallari RT DE va ​​ Der Fehlende Part dan barcha cheklovlarni imkon qadar tezroq olib tashlashni va ularni joriy etish sabablarini tushuntirishni talab qildi. Bu haqda davlat idorasi IT-giganti rahbariyatiga xat yubordi.
Roskomnadzor Google harakatlarini erkin axborot tarqatish va undan toʻsiqsiz foydalanishning asosiy tamoyillarini buzish, shuningdek, Rossiya ommaviy axborot vositalariga qarshi tsenzura sifatida baholamoqda.
RT  - Sputnik Oʻzbekiston, 1920, 29.09.2021
Dunyoda
Simonyan RT kanallarining yoʻq qilinishini media urush, deya baholadi
"YouTube maʼmuriyati muntazam ravishda rasmiy bahonalar bilan Rossiya OAV akkauntlarida joylashtirilgan kontentni tsenzura qilmoqda. Avvalroq videoxosting sayti Rossiyaning Russia Today nashri rasmiy akkaunt va materiallariga bir necha marta cheklovlar qoʻygandi", - deb qoʻshimcha qilindi idorada.
Bunday xatti-harakatlar uchun internet-resurs insonning asosiy huquq va erkinliklarining buzilishida aloqador deb tan olinib, tegishli roʻyxatga kiritilishi mumkin. Shundan soʻng, videoservis ogohlantirish oladi, bajarilmasa toʻliq yoki qisman blokirovka qilinadi.
Agar Google YouTubedagi RT kanallarini blokdan chiqarish talabini eʼtiborsiz qoldirsa, unga bir million rubl miqdorda, agar takroran rad etsa, uch milliongacha jarima solinadi.
Prilojeniye Facebook - Sputnik Oʻzbekiston, 1920, 11.06.2021
Analitika
Twitter, Facebook, Google: Roskomnadzor tekshiruv natijalarini oshkor qildi
"Rossiya segodnya" media-guruhi va RT telekanali bosh muharriri Margarita Simonyan RT kanallarining yoʻq qilinishini media urush, deya baholadi.
"RT DEga sal avval COVID-19 koronavirus infektsiyasi haqida bizning qoidalarimizga zid boʻlgan yolgʻon tibbiy maʼlumot yuklagani haqida ogohlantirish yoʻllangan edi. Bu holat ularning videoni eʼlon qilish huquqlari vaqtincha toʻxtatilishiga olib keldi. Huquqlar toʻxtatilgan vaqtda kanal egalari boshqa kanaldan foydalangan holda cheklovlarni aylanib oʻtishga harakat qilgan, natijada ikkala kanal ham YouTube shartlarini buzganligi uchun yopilgan", - deyiladi korporatsiya javobida.
Oʻz navbatida, Simonyan, YouTube iddao qilayotgan "aniq" qoidalar hech qayerda yozilmaganini qayd etmoqda.
"Biz oʻz auditoriyamizni birinchi marta ikkinchi kanalimizga taklif qilayotganimiz yoʻq. Ammo faqat bugun ular ikkala kanalni yopib yuborish qarorini qabul qilishdi. Bir vaqtning oʻzida YouTube xostingida emlanishga qarshilar, barcha turdagi terrorchilar va fashistlar bemalol chiqish qilmoqda. Ular bizni koʻp bora cheklab kelgan, ammo bu safar shunchaki yoʻq qilishdi. Bu Germaniya tomonidan Rossiyaga nisbatan toʻlaqonli media urush eʼlon qilinishidir", — dedi bosh muharrir.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala