Dunyoda

Nazarboyev Islom Karimov haqida: "U bilan kelishish juda qiyin kechardi"

© Sputnik / Vladimir Rodionov / Fotobankka oʻtishNursultan Nazarbayev, Islam Karimov
Nursultan Nazarbayev, Islam Karimov - Sputnik Oʻzbekiston, 1920, 22.10.2021
Qozogʻistonning Birinchi prezidenti bilan eksklyuziv intervyu film tariqasida ommaga eʼlon qilinmoqda. Bugungi kungacha filmning toʻrtta seriyasi chiqarildi
TOSHKENT, 21 okt – Sputnik. Qozogʻistonning Birinchi prezidenti Nursulton Nazarboyev oʻzi haqida suratga olingan "Portretga chizgilar" hujjatli filmida Oʻzbekistonning Birinchi prezidenti Islom Karimov, ikki mamlakat oʻrtasidagi chegara masalalari haqida toʻxtalib oʻtdi.
Hujjatli film Qozogʻistonning "Xabar" telekanalida efirga uzatilgan.
"Umuman olganda u davrlarda chegaralar judayam bahsli edi. Shunday hovlilar bor ediki, oshxonasi Kozogʻistonda, yotoqxona esa Oʻzbekistonda edi. Yoki boʻlmasa, qozoq xalqi yashaydigan butun boshli bir qishloq Oʻzbekiston hududida joylashgan va aksincha, oʻzbeklar yashaydigan qishloq Qozogʻistonda. Ikkala holatda ham birdek qozoqlar - Qozogʻistonda, oʻzbeklar - Oʻzbekistonda boʻlishni xohlashardi...", - deya esga oladi Nazarboyev chegara masalasini.
Vnuk prezidenta Kazaxstana Nursultana Nazarbayeva Aysultan - Sputnik Oʻzbekiston, 1920, 25.03.2021
Dunyoda
Nazarboyev nevarasining oʻlimi sababi ochiqlandi
Uning soʻzlariga koʻra, shunda u Oʻzbekistonning birinchi prezidenti Islom Karimovga hududlar bilan oʻzaro almashishni taklif qilgan.
"Men aytdim, kelinglar, – Nazarboyev oʻz kaftiga aylana yoy chizib gapida davom etadi, - biz sizga boshqa joyda xuddi shuncha kattalikdagi hududni beramiz, toki hech narsa yoʻqotmadik, deya ayta olasiz. Biz xafagarchilikni yoqtirmaymiz. Xullas, oʻsha vaqtlarda bu muammolar shu tarzda hal qilindi”.
Oʻzbekistonning Birinchi prezidenti Islom Karimov bilan bogʻliq xotiralarni esga olar ekan, Nazarboyev bu gaplarni aytish biroz notoʻgʻriligiga ham urgʻu beradi.
"Bir tomondan, bularni hammasini gapirish sal notoʻgʻri boʻlar, chunki mening qadrdon doʻstim Islom Karimov oramizda yoʻq... Shunchaki, unda har bir vaziyat boʻyicha oʻz fikri va qarashi borligi sabab, u bilan kelishish jarayonlari juda qiyin oʻtar edi", - deydi Nazarboyev.
Taʼkidlashicha, shunday vaqtlar boʻlganki, Islom Karimov Nazarboyevga qoʻqqisdan qoʻngʻiroq qilib, uning yoniga bormoqchi ekani haqida ogohlantirgan.
"Oldinga bormoqchiman deb qolardi. Men unga "Qoʻysangchi, oldin muhokama qilishga mavzular tayyorlashimiz kerak, tashrifingda gaplashadigan mavzular boʻlishi uchun, desam u "Yoʻq, hech qanday mavzuni keragi yoʻq, men sen bilan shunchaki koʻrishmoqchiman", - derdi. Xarakteri ogʻirroq boʻlishiga qaramasdan, koʻngli yumshoq inson edi", - deya esga oladi Qozogʻistonning Birinchi prezidenti.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala