Jamiyat

Oʻzbekistonda elektron sigaretani taqiqlash taklif qilinmoqda

© Sputnik / Aleksandr Vilf / Fotobankka oʻtishUchastnik na spetsializirovannoy vыstavke vape-industrii, foto iz arxiva
Uchastnik na spetsializirovannoy vыstavke vape-industrii, foto iz arxiva - Sputnik Oʻzbekiston, 1920, 14.11.2021
Maʼlumotlarga koʻra, Oʻzbekistonda har yili 30 mingga yaqin kishi aynan chekish bilan bogʻliq kasalliklar tufayli olamdan oʻtadi.
TOSHKENT, 14 noya — Sputnik. Qonunchilik palatasidagi “Milliy tiklanish” partiyasining navbatdagi yigʻilishida “Alkogol va tamaki mahsulotlarining tarqatilishi hamda isteʼmol qilinishini cheklash toʻgʻrisida”gi qonun loyihasi muhokama qilindi.
Deputatlarning barchasi qonun loyihasida elektron sigaretalarni taqiqlash boʻyicha qatʼiy cheklov kiritishni taklif qilgan.
“Dunyoning 32 mamlakatida elektron sigaretalar cheklangan ekan, nima uchun biz cheklamasligimiz kerak. Mutaxassislar uning genofondga jiddiy taʼsir koʻrsatishini aytmoqda. Partiyamiz ham ushbu masalani muntazam koʻtarib keladi. Kim nima desa desin, ushbu qonun loyihasiga elektron sigaretalarni qatʼiy taqiqlash boʻyicha cheklov kiritilmas ekan, biz ushbu qonunning qabul qilinishiga qarshi ovoz beraveramiz”, — dedi partiya rahbari Alisher Qodirov.
Ushbu taklif bir ovozdan qoʻllab-quvvatlanib, qonun loyihasi qoʻmitaga qaytarilgan.
Respublika salomatlik va tibbiy statistika instituti maʼlumotlariga koʻra, Oʻzbekistonda har yili 30 mingga yaqin kishi aynan chekish bilan bogʻliq kasalliklar tufayli olamdan oʻtadi. Yaqin yillarda bu raqam ikki baravarga ortishi mumkin.

Qayd etilishicha, mamlakatdagi jami erkaklarning 23 foizi, ayollarning 1 foizi chekuvchilardir.

Partiya tegishli idoralar bilan hamkorlikda 2019 yilda maktablarda oʻtkazgan reydlari davomida 110 nafar oʻquvchi yonidan nikotinli snyuslar topilgan boʻlsa, bu koʻrsatkich 2020 yilda 270 tani tashkil qildi. Ularni isteʼmol qiluvchilarning eng yoshi 5-sinf oʻquvchilari ekani aniqlangan.
Kureniye - Sputnik Oʻzbekiston, 1920, 15.06.2021
Jamiyat
Oʻzbekistonda chekish mumkin boʻlmagan jamoat joylarining aniq roʻyxati tuziladi
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala