Siyosat

Senat Favqulodda holat toʻgʻrisidagi qonunni koʻrib chiqadi

© Ofitsialnыy sayt prezidenta UzbekistanaZasedaniye Senata Oliy Majlisa
Zasedaniye Senata Oliy Majlisa - Sputnik Oʻzbekiston, 1920, 16.11.2021
Senatning 21 yalpi majlisi 18 noyabr kuni chaqiriladi va unda qator muhim hujjatlarni koʻrib chiqish rejalashtiilgan.
TOSHKENT, 16 noya – Sputnik. Oʻzbekiston Oliy Majlisi Senatining yigirma birinchi yalpi majlisi 18 noyabr kuni chaqiriladi. Bu haqda parlamentning yuqori palatasi matbuot xizmati xabar bermoqda.
Senatorlar “Favqulodda holat toʻgʻrisida”gi qonun, “Gidrometeorologiya faoliyati toʻgʻrisida”gi qonun “Isteʼmolchilarning huquqlarini himoya qilish toʻgʻrisida”gi qonunga qoʻshimcha va oʻzgartishlar kiritishni koʻrib chiqishadi.
Shuningdek, intellektual mulk obʼyektlari, fuqaroligi toʻgʻrisidagi, oʻsimliklar karantini va himoyasi tizimi qonunchilik takomillashtirilishi hamda ogʻir ijtimoiy ahvolda qolgan xotin-qizlar huquqlari kafolatlarini taʼminlash boʻyicha qoʻshimcha chora-tadbirlar qabul qilinganligi munosabati bilan ayrim qonun hujjatlariga qoʻshimcha va oʻzgartishlar kiritish muhokama qilinadi.
Shuningdek, transport va moliya sohalaridagi ayrim huquqbuzarliklarni sodir etganlik uchun maʼmuriy jazolar liberallashtirilishi munosabati bilan Maʼmuriy javobgarlik toʻgʻrisidagi kodeksiga oʻzgartishlar kiritish haqidagi qonun ham muhokama qilinadi.
Voyennoslujaщiye Minoboronы vzyali pod kontrol karantinnыe tsentrы - Sputnik Oʻzbekiston, 1920, 28.03.2021
Jamiyat
Deputatlar birinchi oʻqishda favqulodda holat toʻgʻrisidagi qonun loyihasini qabul qildi
Yalpi majlisda Inson huquqlari boʻyicha Oʻzbekiston milliy markazi direktorining mamlakat inson huquqlari sohasidagi xalqaro majburiyatlarining bajarilishi holati haqidagi axborotini eshitish rejalashtirilgan.
Senatorlar aholini ichimlik suvi bilan taʼminlashdagi muammolar yuzasidan Vazirlar Mahkamasiga yuborilgan parlament soʻrovi natijalarini koʻrib chiqadi.
Shu bilan birga homilador va reproduktiv yoshdagi ayollar hamda goʻdaklarga koʻrsatilayotgan tibbiy yordam holati hamda yengil sanoat va charm sanoati korxonalarida xotin-qizlarning mehnat munosabatlari bilan bogʻliq masalalarda ish beruvchilarning masʼuliyatini oshirish boʻyicha Vazirlar Mahkamasiga parlament soʻrovlari yuborish masalalari muhokama etiladi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala