14:37 03 Mart 2021
Efir
  • RUB141.85
  • EUR12661.56
  • USD10517.12
Analitika
Havola olish
362 0 0

Rossotrudnichestvo chet el fuqarolari uchun qabul jarayonining oraliq natijalarini yakunladi. Yangi tizimning asosiy afzalligi – toʻliq onlayn saralab olish.

TOSHKENT, 10 fev — Sputnik. Danara Kurmanova. Rossiya olim taʼlim muassasalari har yili xorijlik abituriyentlar oʻrtasida Rossiya hukumati kvotasi bilan bepul oʻqishga tanlov oʻtkazadi. Ammo bu gal qabul kampaniyasi jiddiy oʻzgardi: ilk marotaba Rossiyada taʼlim olish istagida boʻlgan xorijliklar maxsus superservisda roʻyxatdan oʻtib, barcha jarayondan onlayn oʻtishlari mumkin.

Qabul kampaniyasi 20 yanvar kuni boshlandi va 20 fevral kuni yakunlanadi. Rossotrudnichestvo turli davlat abituriyentlaridan juda koʻp arizalar kelib tushganini qayd etdi. Superservis nima va MDH talabalari uchun oʻqishga kirishni qanday yengillashtiradi? “Sputnik” bularni oʻrgandi.

Superservisning afzalligi nimada

Superservis – bu chet ellik abituriyentlar Rossiyaning istalgan OTMga ariza topshirishlari mumkin boʻlgan onlayn platforma. Rossotrudnichestvo agentligi rahbari oʻrinbosari Pavel Shevtsovning  “Sputnik” nashriga bergan intervyusida maʼlum qilishicha, ushbu mexanizm yagona darcha tamoyili asosida ishlaydi.

“Bu chet ellik fuqarolarni qabul qilishning soddalashtirilgan tizimidir. Bu yil tajriba tariqasida ish boshladi, yil oxiriga kelib esa toʻliq yoʻlga qoʻyiladi”, - deydi u.

Hozir dasturda ishtirok etish uchun barcha hujjatlarni uydan chiqmasdan topshirish mumkin. Saytda roʻyxatdan oʻtilsa bas. Buning hammasi superservis sharofati bilan.  Qolaversa, tez orada servis Rossiyaning barcha shaharlari va ularning infratuzilmalari haqida toʻliq maʼlumot taqdim etishni boshlaydi. Shuningdek, servisda mutaxassisligi boʻyicha xorijliklar uchun ish haqida eʼlonlar beriladi. Pul ishlamoqchi boʻlgan talabalar ishga joylashish imkoniyatiga ega boʻlishadi.

Hozirda superservisdan rus va ingliz tillaridan foydalanish mumkin. Biroq boshqa tillarni ham qoʻshish rejalarda bor. Bundan chet ellik talabalarning Rossiyada taʼlim olish, OTMlar, yashash sharoiti toʻgʻrisidagi zaruriy maʼlumotlarni oʻz ona tillarida olish imkoniyatini yaratish koʻzlangan.

Xarajatlarni qisqartirib, muammolarni hal qilamiz

Koʻplab chet ellik talabalar duch keladigan asosiy muammo bu migratsiya siyosatining nozlikligida. Axir har bir mamlakatda oʻzining qoidalari amal qiladi: kimgadir viza kerak, kimgadir esa migratsiya roʻyxatidan oʻtish kifoya, lekin buni qatʼiy belgilangan vaqt oraligʻida qilish oʻta muhimdir. Bu masalalarga oid maslahatlarni superservisda ham olish mumkin boʻladi.

Onlayn platformaning ishga tushirilishi avvallari iqtidorli yoshlar qarshilashgan koʻplab toʻsiqlarni qisqartiradi, deya maʼlum qildi Rossotrudnichestvo matbuot xizmati. Ilgari Rossiya oliygohiga tanlovdan oʻtish uchun kamida besh marta tanlovning oraliq bosqichlariga kelish kerak edi. Ammo hamma abituriyentlar Rossotrudnichestvo filiallari joylashgan shaharlarda yashamaydi. Kimdir qishloq joyda, kimdir olis shaharda. Bu filialga kelish uchun pul sarflash degani. Endilikda ilova oʻrnatib, telefon orqali hujjatlarni topshirish, imtihondan oʻtish va video orqali suhbatdan oʻtish mumkin.

Shu bilan birga barcha boʻlajak talabalar uchun onlayn shakl qulay boʻlmasligi mumkin, ayniqsa uyda test topshirish uchun sharoit boʻlmasa yoki Internet bilan bogʻliq muammolar yuzaga kelsa. “Xavotirga oʻrin yoʻq, shaxsan kelib ishtirok etish optsiyasini qoldiramiz, albatta turli variantlarni ishlab chiqamiz”, - deydi Pavel Shevtsov. – Tanlovdan oʻtish qulay boʻlishi muhimdir".

Pandemiyaning ijobiy tomoni

Ikki hafta ichida superservisga 20 mingdan ziyod ariza kelib tushgan. Ularning qariyb 40 foizi sobiq Sovet Ittifoqi mamlakatlaridan.

“MDH mamlakatlarida Rossiya taʼlimiga boʻlgan talab hamisha yuqori boʻlgan, lekin bu safar butun dunyo boʻylab yuzaga kelgan pademiya sharoitida bu oʻsganini koʻryapmiz, - deydi Pavel Shevtsov. – Talabalar Rossiya pandemiyani muvaffaqiyatli yengayotgani (koronavirus boʻyicha raqamlar bundan dalolat bermoqda), oʻquv jarayonini tashkillashtirayotganiga eʼtibor qaratishmoqda. Shu bois Rossiyadagi taʼlimga boʻlgan qiziqish oshdi, ammo aniq bir raqamlarni aytishga hali erta, chunki tanlov hozir ham davom etmoqda”.

Skolko zayavok na obucheniye v vuzы RF podali abituriyentы iz Blijnego zarubejya
© Sputnik
Skolko zayavok na obucheniye v vuzы RF podali abituriyentы iz Blijnego zarubejya

Chet ellik talabalar uchun ommabop yoʻnalish tibbiyot sohasi boʻlib qolmoqda. Rossotrudnichestvoning “Sputnik” agentligiga taqdim etgan statistikasiga koʻra, superservisning eng talab yuqori boʻlgan yoʻnalishlariga stomatologiya va davolash kirgan.

Aytish joizki, onlayn tanlovning koʻpchilik ishtirokchilarini Rossiya oliygohlarida tahsil olayotgan yoki olib boʻlgan va Rossiyada taʼlimni davom ettirish istagidagi talabalar tashkil etadi: masalan, arizalar umumiy sonining 13 foizini magistratura dasturlari tashkil etadi. Bu toifadagi tanlov ishtirokchilaridan biri bu Gruziyadan boʻlgan Daniil Nikulenko. Hozir u RUDNda bakalavrni tamomlamoqda va shu oliygohning magistraturasiga hujjat topshirmoqda.

“Men Rossiyada oʻqishni davom ettirishga qaror qildim, chunki menga taʼlim berish tizimi yoqadi, bu yerda koʻplab doʻstlarim bor, - deydi u. – Shuning uchun superservisdan roʻyxatdan oʻtdim va fevral boshida hujjatlarimni topshirdim. Bu qulay: bir zumda saytni topdim, osonlik bilan ariza topshirdim, agar maʼlumot olish kerak boʻlsa, barcha kontaktlar koʻrsatilgan”.

Nikulenko tanlovdan oʻtishga va xalqaro munosabatlar fakultetida oʻqishni davom ettirishga muvaffaq boʻlishiga umid qilmoqda.

Asosiy mavzular