16:53 04 Dekabr 2020
Efir
  • RUB137.48
  • EUR12473.23
  • USD10427.38
Iqtisod
Havola olish
424 0 0

Shavkat Mirziyoyev imzolagan yangi qonunga muvofiq Oʻzbekiston “Mozori Sharif – Qobul" yoʻnalishida temiryoʻl quradi.

TOSHKENT, 16 noya — Sputnik. Oʻzbekiston hukumati Afgʻoniston hududida temir yoʻl loyihasi uchun AQShning Xalqaro moliya korporatsiyasi - DFCning mablagʻlarini jalb qilish niyatida. Bu haqida Shavkat Mirziyoyev tomonidan 12 noyabr kuni imzolagan “Afgʻoniston Islom Respublikasi bilan iqtisodiy hamkorlikni yanada kengaytirish toʻgʻrisida”gi qarorida aytib oʻtilgan.

Xususan, qarorda Oʻzbekistonga Pokiston portlariga chiqish imkoni beradigan “Mozori Sharif – Qobul” yoʻnalishida temiryoʻl qurish loyihasi uchun AQSH va boshqa xalqaro moliya institutlari mablagʻlarini jalb qilish uchun Oʻzbekiston, Afgʻoniston va Pokiston tomonidan qoʻshma soʻrovnoma yuboriladi, deyilgan.

Ushbu yilning dekabr oyida Oʻzbekiston, Afgʻoniston va Pokiston hukumati vakillari ushbu masala borasida tezlashtirilgan tartibda muzokaralar oʻtkazishi hamda temiryoʻlning optimal yoʻnalishini tanlashi rejalashtirilgan.

Shuningdek Qarorda, barcha kerakli hujjatlar 2021 yilning iyun oyida tayyorlanib, temiryoʻl qurilishini kelgusi yilning sentyabr oyida boshlash belgilangan.

Eslatib oʻtamiz, 2018 yilning dekabr oyida “Oʻzbekison Temir yoʻllari” AJ Butun afgʻoniston hududini kesib oʻtuvchi “Mozori Sharif – Qobul – Peshavar” temir yoʻlini qurish borasida Oʻzbekiston, Rossiya, Afgʻoniston, Qozogʻiston va Pokiston orasida muzokaralar oʻtkazilishini xabar qilgan edi. Kompaniya xabariga koʻra, yangi magistral Janubi Sharqiy Osiyoni Hindiston, Afgʻoniston, Pokiston,  Rossiya va Yevropa Ittifoqi bilan bogʻlab turuvchi tranport koridori boʻlishi kerak.

2010 yilda "Oʻzbekiston temir yullari" Afgʻoniston hududida umumiy qiymati 129 yillion dollar boʻlgan, “Xayraton — Mozori Sharif” yoʻnalishida uzunligi 75 kilometr boʻlgan temiryoʻlni qurib bitkazgan edi.

2017 yilda Afgʻoniston prezidenti Ashraf Gʻani tashrifi yakuniga binoan “Mozori Sharif –  Hirot” yoʻnalishida temiryoʻl qirishga kelishib olingan edi. kelishuvga koʻra, Oʻzbekiston loyiha va qurilish ishlari bilan shugʻullanishi, Afgʻoniston  esa – moliya manbaalari bilan shugʻullanishi kerak edi.

Asosiy mavzular