06:21 27 Fevral 2021
Efir
  • RUB141.09
  • EUR12773.52
  • USD10549.65
Hodisalar
Havola olish
234 0 0

Kuni kecha mast holda YTH sodir etgan va YPX xodimlarini haqoratlab, oʻzi bilan olib kelgan oshxona pichogʻi bilan tahdid qilgan haydovchi qamoqqa olindi.

TOSHKENT, 9 dek — Sputnik. Toshkent shahar IIBB YHXB YPX xodimlariga qarshilik koʻrsatgan va ularni qurol qoʻllashga majbur etgan haydovchiga nisbatan jinoyat ishi qoʻzgʻatildi.

Toshkent shahar prokuraturasining aniqlik kiritishicha, N.K.I.ga nisbatan Oʻzbekiston JKning 277-moddasi 3-qismi “g” bandi bilan (“Bezorilik”) jinoyat ishi qoʻzgʻatilib, ayblanuvchi tariqasida ishtirok etishga jalb qilingan.

Unga nisbatan qamoqqa olish tarzidagi ehtiyot chorasi qoʻllangan.

Hozirda jinoyat ishi yuzasidan dastlabki tergov harakatlari olib borilmoqda.

Eslatib oʻtamiz, avvalroq IIBB xodimlari mast holdagi va pichoq bilan tahdid qilgan haydovchini ushlash uchun qurol qoʻllashga majbur boʻlishgani xabar qilingan edi.

Teglar:
bezorilik, jinoyat ishi

Asosiy mavzular