TOShKENT, 13 fev – Sputnik. Toshkent hokimiyati “Lolazor” mahallasidagi turar-joy qurilishi haqidagi xabarlarga rasman izoh berdi.
Xokimiyat, ijtimoiy tarmoqlarda paydo bo‘lgan Mirobod tumani “Lolazor” mahallasida 3 qavatli uylar buzilishi haqidagi xabarlarni inkor qildi. Hokimiyat bunday qaror qabul qilmagan.
“Hokimligi huzurida o‘tkazilayotgan “Investor kuni” tadbiri doirasida tadbirkorlar tomonidan mazkur hududning ichki qismida joylashgan 2 qavatli, tarixiy ahamiyatga ega bo‘lmagan 27/3, 27/3a, 27/3b, 27/3v, 27/4-sonli uylarni buzish va o‘rniga yangi turar-joy kompleksi qurish taklifi bildirilgan.
Ko‘p qavatli turar-joylarni buzish bo‘yicha qaror qilish ushbu uylarda yashovchi axolining to‘liq roziligi olinganidan so‘nggina amalga oshiriladi va ushbu masalada fuqarolarimiz qonuniy huquqlari to‘liq kafolatlanadi” , - deyilgan hokmiyat xabarida.