02:53 28 May 2020
Efir
  • RUB121.10
  • EUR10637.67
  • USD9554.22
Jamiyat
Havola olish
115 0 0

Terrorchilikka qarshi kurashning pul oʻtkazmalari va toʻlov tizimlariga ham aloqasi bor - Markaziy bank nazoratni kuchaytirmoqda.

TOSHKENT, 5 noya – Sputnik. Markaziy bank Oʻzbekiston hududida amalga oshirilayotgan toʻlovlar va toʻlov tizimlari ustidan nazoratni kuchaytiradi. 1 noyabrda eʼlon qilingan “Toʻlovlar va toʻlov tizimlari toʻgʻrisida” qonun 2020 yilning 1 fevralidan kuchga kiradi, Norma.uz xabariga asosan.

Yangi qonunga koʻra, toʻlov tizimlariga nisbatan qoʻyiladigan talablar kuchaytiriladi. Xususan, Markaziy bank  toʻlov tizimlari operatorlariga litsenziya beradi va ularning ustav kapitali miqdorini belgilaydi. Undan tashqari, MB toʻlov operatorlarini bir yilda bir marotaba tekshiruvdan oʻtkazadi va yillik hisobot talab qiladi.

Shuningdek, yangi qonunda terrorchilikka qarshi kurash talablariga  rioya qilmagan toʻlov tizimlariga nisbatan qattiqoʻl chora-tadbirlar, 1 mlrd. soʻmgacha jarima solish, faoliyatini cheklash kabi choralari ham nazarda tutilgan.

Maʼlumot uchun, bugungi kunda istalgan xorijiy davlatga pul joʻnatmalari yuborish imkonini beruvchi xalqaro toʻlov tizimlari mavjud. Afsuski ularning imkoniyatidan terrorchilar ham keng foydalanmoqda. Rossiyada 2019 yil davomida terrorchilarga bir necha million rubl joʻnatgan jinoiy guruhlar qoʻlga olingan edi.

Moskvada “ID” terrorchilari bank kartalariga pul joʻnatgan kishi ushlandi

Asosiy mavzular