04:29 02 Iyun 2020
Efir
  • RUB121.10
  • EUR10637.67
  • USD9554.22
Jamiyat
Havola olish
32620

Poytaxtda 4 maydan “pasport stollari” va IIBB Yoʻl harakati xavfsizligi boshqarmasi boʻlimlari oʻz ishini qayta yoʻlga qoʻydi.

TOSHKENT, 4 may — Sputnik. Toshkent shahrida “pasport stollari” va IIBB Yoʻl harakati xavfsizligi boshqarmasi boʻlimlari oʻz ishini qayta yoʻlga qoʻydi. Bu haqda poytaxt IIBB xabar qildi.

4 maydan Toshkent shahar IIBB Migratsiya va fuqarolikni rasmiylashtirish boshqarmasi hamda uning tuman boʻlinmalari fuqarolar qabulini davom ettiradi.

Shuningdek, 4 may – dushanba kunidan boshlab Toshkent shahar IIBB Yoʻl harakati xavfsizligi boshqarmasi Tumanlararo roʻyxatdan oʻtkazish va imtihon olish hamda maʼmuriy amaliyot boʻlimlarida, shuningdek diagnostik stantsiyalarida (texnika nazorati) fuqarolar qabuli davom etadi.

Ish kunlari: dushanbadan shanbagacha, dam olish kunlari – yakshanba va bayram kunlari. Ish vaqti: soat 9.00 dan 18.00 ga qadar. Tushlik vaqti: 13.00 dan 14.00 gacha.

“Qayd etamiz, qabul sanitariya-epidemiologiya meʼyorlariga qatʼiy amal qilingan holda olib boriladi. Fuqarolardan tibbiy niqob taqishni va ijtimoiy masofani saqlashni soʻrab qolamiz!”, - deyilgan xabarda.

Eslatib oʻtamiz, ushbu idoralar faoliyati mamlakatdagi epidemiologik vaziyat sabab vaqtincha toʻxtatib qoʻyilgan edi.

Asosiy mavzular