22:23 03 Avgust 2020
Efir
  • RUB142.37
  • EUR11896.04
  • USD10207.69
Jamiyat
Havola olish
COVID-19 umumjahon pandemiyasi (1051)
124610

Bugunning oʻzida 253 nafar bemor tuzalib, reabilitatsiyaga kuzatildi. Respublika boʻylab jami sogʻayganlar soni 7 335 nafarga yetdi.

TOSHKENT, 10 iyul — Sputnik. Sputnik Oʻzbekiston respublikadagi epidemiologik vaziyat toʻgʻrisida asosiy xabarlarni toʻpladi.

Bir sutka davomida 410 kishida koronavirus aniqlandi, Oʻzbekistonda koronavirus infektsiyasi qayd etilganlar soni 11 857  nafarni tashkil qilmoqda.

Davolanish koʻrsatkichi

Bugunning oʻzida 253 nafar bemor tuzalib, reabilitatsiyaga kuzatildi. Respublika  boʻylab jami sogʻayganlar soni 7 335 nafarga yetdi.

Ayni paytda 4 469 nafar bemorga belgilangan standartlar boʻyicha davo choralari koʻrilmoqda. 42 nafar bemor ogʻir ahvolda, 10 nafar bemor oʻta ogʻir ahvolda.

Oʻlim holati

Surxondaryoda 67 yoshli erkak koronavirusdan vafot etdi. Termiz shahrida yashovchi R.A. 3 iyul kuni oʻzini yomon his qilgan, nafas yoʻllarida yalligʻlanish boʻlgan. 4 iyulda “COVID-19” infektsiyasiga namuna topshirgan va shifoxonaga yotqizilgan.

Unga "COVID-19" infektsiyasiga gumon, miokard infarkti, oʻtkir yurak qon-tomir va nafas yetishmovchiligi tashxisi qoʻyilgan. Shuningdek, ikki tomonlama pnevmoniya, oʻtkir yurak ishemik kasalligi, zoʻriqish stenokardiyasi, surunkali yurak yetishmovchiligi, qandli diabet kabi hamroh kasalliklar bilan ham ogʻrigan. Reanimatsion muolajalarga qaramasdan, bemor miokard infarkti, oʻtkir yurak qon-tomir va nafas yetishmovchiligidan vafot etdi.

Oʻzbekistonda jami 53 kishi pandemiya qurboni boʻldi.

Mahalliy avia va poyezd qatnovi

13 iyul dushanba kunidan mahalliy yoʻnalishlardagi poyezdlar va avia qatnovlar toʻxtatiladi. Kuchaytirilgan karantin tartibi sharoitida faqatgina Respublika maxsus komissiyasi tomonidan tasdiqlangan parvozlar jadvaliga muvofiq xorijiy davlatlardagi fuqarolarni vatanga olib kelish boʻyicha repatriatsion reyslar bajariladi.     

Chegara punktlaridan fuqarolarni karantin hududlariga yetkazish uchun avtobus tashuvlari amalga oshiriladi. Shuningdek, karantin muddatini oʻtab boʻlgan fuqarolarni reabilitatsiya uchun shifoxonalarga va yashash manzillariga yetkazish temiryoʻl va avtobus tashuvlari orqali amalga oshiriladi.

Vatanga qaytganlar

8-9 iyul kunlari “Jibek joli” – “Gʻisht-Koʻprik” nazorat-oʻtkazish punktidan 3746 nafar fuqarolar oʻtkazildi.

Hozirgi paytda davlatlararo chegarani kesib oʻtishda muammolar yoʻq, nazorat-oʻtkazish punktlari odatdagidek ishlamoqda, fuqarolarning toʻplanib qolishi kuzatilmayapti.

Qaytib kelgan fuqarolar 14 kunlik karantinda boʻladi.

Dunyo salomatligi

Soʻnggi maʼlumotlarga koʻra, infektsiyani yuqtirib olgan kishilarning soni 12,4 milliondan oshdi, 558 ming kishi vafot etdi. Eng koʻp holatlar AQShda (3,1 mln), Braziliyada (1,8 mln), Hindistonda (793 ming).

Mavzu:
COVID-19 umumjahon pandemiyasi (1051)

Asosiy mavzular