13:35 26 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
369 0 0

Aytilishicha, mojaro tomorqalarga suv yetib bormasligi va 10 kun davomida Nayman kanaliga suv kelmaganligi tufayli yuzaga kelgan.

TOSHKENT, 22 iyul - Sputnik. Qoraqalpogʻiston Respublikasi Beruniy tumani hokimligi 20 iyul kuni yuz bergan tartibsizliklar boʻyicha rasmiy maʼlumot berdi.

Eslatib oʻtamiz, sal oldin mahalliy OAVlarda Qoraqalpogʻistonning Beruniy tumanida ekinlari suvsiz qolgan aholi Nukus-Toshkent yoʻlini toʻsib qoʻygani haqida xabarlar eʼlon qilingan edi.

Hokimlik tartibsizliklar Beruniy tumani hududidagi Qurolpa aholi manzili hududidagi katta yoʻl boʻyida sodir boʻlganini tasdiqlagan. Aytilishicha, mojaro tomorqalarga suv yetib bormasligi va 10 kun davomida Nayman kanaliga suv kelmaganligi tufayli yuzaga kelgan.

"Tartibsizliklar joyiga Beruniy tumani hokimi va mutasaddi rahbarlar oʻz vaqtida yetib keldi. Shu yerning oʻzida qisqa vaqt davomida masala oʻz yechimini topdi. Nayman kanaliga suv yetkazib berildi", - deyiladi xabarda.

Hokimlik aholining noroziligi oʻrinli ekanligini tan olgan holda, shu oʻrinda yana bir narsani hisobga olish zarurligini qoʻshimcha qilgan.

"Beruniy tumani qishloq hoʻjaligi boʻyicha 13 ta hududga boʻlingan boʻlib, bir vaqtning oʻzida bu hududlarga suv berish mushkuldir. Bu boʻyicha navbatma-navbat sugʻorish tizimi joriy qilingan. Hozirgi kunda kunning issiqligi ham ekinlarning tez suvsizlanishini keltirib chiqarmoqda. Bunday holat sodir boʻlganda tinch va murosa yoʻli bilan vaziyatni tushuntirsak va tushunsak maqsadga muvofiq boʻlardi. Hozirgi dunyoda yuz berayotgan pandemiya sharoitida tinchlik, salomatlikning oʻzi katta neʼmatdir. Birgina oʻylamay qilgan harakatingiz sizu bizning tinch-totuvligimizni koʻralmayotgan oʻzgacha fikr egalariga qoʻl kelishi mumkin", - deyiladi xabarda.

Hokimlik ijtimoiy tarmoqlardagi yolgʻon, asossiz va boʻrttirilgan voqeliklarga ishonib qolmaslikni, rasmiy maʼlumotlar hokimlik saytida eʼlon qilib borilishini qoʻshimcha qilgan.

Asosiy mavzular