TOShKENT, 10-iyul — Sputnik. XXR Raisi Si Szinpin seshanba kuni arab mamlakatlarini hamkorlikda tinchlik va adolat ideallarini ilgari surishga hamda internetda ekstremizm ko‘rinishlari va nafratni avj oldirish holatlariga qarshi kurashga chaqirdi, deb xabar bermoqda RIA Novosti.
Xitoy yetakchisi xitoy va arab sivilizatsiyasini ko‘p yillar davom etgan o‘zaro qo‘llab-quvvatlash bog‘lab turishini qayd etdi, ayni vaqtda esa ularda bir-biridan kuch-quvvat va donishmandlik o‘rganish uchun sabablar yanada ko‘pligini ta’kidladi.
"Biz tinchlik, o‘zaro moslik va adolat haqidagi g‘oyalarni hamkorlikda tarqatmog‘imiz lozim, bularni amalga oshirishning bir yo‘li — bu Xitoy va arab davlatlari o‘rtasida sivilizatsiyalararo muloqotni muvaffaqiyatli qo‘llab-quvvatlash va ekstremizmni ildizini yo‘qotish uchun birgalikda hamkorlik qilishdir", — deb qo‘shimcha qildi u.
Si Szinpinning so‘zlariga ko‘ra, mavjud tushunmovchiliklarni muloqot yo‘li orqali hal etish, turlicha qarashlarga sabr bilan etish, ijobiy hatti-harakatlar va samimiylik ustuvor bo‘lgan muhitni vujudga keltirish ayni vaqtda juda muhim va zarur.
