03:24 15 Iyul 2020
Efir
  • RUB143.88
  • EUR11518.27
  • USD10194.96
Dunyoda
Havola olish
COVID-19 umumjahon pandemiyasi (969)
86100

Adam Voytex yangi koronavirusni keltirib chiqaradigan COVID-19 kasalligiga qarshi kurashda qaysi preparat yordam berishi mumkinligini aytdi.

TOSHKENT, 23 mar - Sputnik. Chexiya Sogʻliqni saqlash vazirligi rahbari Adam Voytex yangi koronavirusni keltirib chiqaradigan COVID-19 kasalligiga qarshi kurashda Plaquenil preparati yordam berishi mumkinligini aytdi. Bu haqda RIA Novosti xabar qilmoqda.

Yakshanba kuni mamlakatning inqiroz shtabining rahbari, Sogʻliqni saqlash vazirligi rahbarining oʻrinbosari Roman Primula Chexiya televideniyesida virusni yuqtirilgan odamning tanasidan chiqarilish vaqtini kamaytiradigan dori mavjudligi haqida xabar berdi, ammo u ushbu dori nomini oshkor qilmadi.

“Mavjud ilmiy maʼlumotlarga koʻra, Plaquenil preparati COVID-19 kasalligini davolashda samarali boʻlishi mumkin deb hisoblanadi, shuning uchun uning yetishmovchiligini oldini olish kerak”, - dedi Voytex.

Vazirning soʻzlariga koʻra, vazirlik allergologiya, klinik immunologiya, dermatovenerologiya va revmatologiya sohasidagi mutaxassislar hamda infektologlardan tashqari barcha shifokorlarga Plaquenil buyurishni taqiqladi.

Agar retseptda bemorning tashxisi va shifokorning ixtisosligi koʻrsatilmagan boʻlsa, dorixonalarga dori berish taqiqlanadi. Preparat ikki oydan ortiq muddatga buyurilmasligi lozim.

Plaquenil preparati Frantsiyaning Sanofi Aventis kompaniyasi tomonidan bezgakka qarshi vosita sifatida ishlab chiqariladi.

Yakshanba kuni Yaponiya “Favipiravir” va “Favilavir” deb ham nomlanuvchi “Avigan” preparatini yangi koronavirus infektsiyasi tufayli kelib chiqqan pnevmoniyani davolash uchun istiqbolli vosita sifatida klinik sinovlarini boshlaganligi maʼlum boʻldi.

Bir necha kun oldin, AQSH prezidenti Donald Tramp mamlakatda hozirda koronavirus bilan kurashish uchun gidroksixloroxin preparati sinovdan oʻtkazilayotganini aytdi.

Jahon sogʻliqni saqlash tashkiloti 11 mart kuni yangi COVID-19 koronavirusli infektsiyasi avj olishini pandemiya deb eʼlon qildi. Dunyoda 340 mingdan ortiq odam yuqtirib oldi, 14,7 mingdan ortiq odam vafot etdi. Yana 97 mingdan ziyod kishi tuzalib ketdi. Oʻzbekistonda koronavirus infektsiyasi aniqlanganlar soni 23 mart holatiga koʻra 46 kishini tashkil qilmoqda.

Mavzu:
COVID-19 umumjahon pandemiyasi (969)

Asosiy mavzular