Hodisalar

FVV xavfli hududlardan fuqarolarning koʻchirilayotgani haqida maʼlum qildi

© Sputnik / Anatoliy Ustinenko / Fotobankka oʻtishPosledstviya sxoda selevogo potoka
Posledstviya sxoda selevogo potoka  - Sputnik Oʻzbekiston, 1920, 07.05.2021
Joriy yilning 6-7 may kunlari Oʻzbekistonning uchta viloyati: Andijon, Namangan va Surxondaryoning ayrim hududlarida kuchli yomgʻir yogʻishi natijasida sel toshqinlari kuzatildi.
TOSHKENT, 7 may - Sputnik. Oʻzbekistonning uchta viloyati: Andijon, Namangan va Surxondaryoning ayrim hududlarida kuchli yomgʻir yogʻishi natijasida sel toshqinlari kuzatildi. Hodisa Favqulodda vaziyatlar vazirligi, hokimliklar va boshqa tegishli tashkilotlar tomonidan vaziyat toʻliq nazoratga olinib, joylardagi ushbu holatlarni bartaraf etish boʻyicha tezkor shtab faoliyati yoʻlga qoʻyildi.
Na ulitse posle sxoda selevogo potoka - Sputnik Oʻzbekiston, 1920, 07.05.2021
Hodisalar
Andijon viloyatida ikki nafar bola sel kelishi oqibatida oqib ketdi
Toshqin natijasida Andijon viloyati “Qirgʻiz” kanali orqali oqib kelgan sel oqimlari Xonobod shahri va Qoʻrgʻontepa tumanidagi koʻchalar orqali 278 ta aholi xonadoni va hovlisiga kirgan.
Afsuski, favqulodda vaziyat natijasida ikki nafar voyaga yetmagan fuqaro halok boʻlgan.
Shuningdek, Namangan viloyatining Pop, Kosonsoy va Chust tumanlarida yoqqan kuchli yomgʻir sababli Pop tumani "Vodiy" MFY hududida sel oqimlari kuzatilib, Pop tumani hududidan oʻtuvchi "Namangan-Toshkent" avtomobilʼ yoʻlining 15-16 km.da yoʻl yoqasining yuvilishi, “Angren-Pop” elektrlashtirilgan temir yoʻlining 103-106 km.da temir yoʻl tarmogʻining taxminan 3 metr qismida tuproq massasining yuvilishi roʻy bergan.
Posledstviya opolznya v Yaponii — video s bespilotnika - Sputnik Oʻzbekiston, 1920, 06.07.2020
Video
Yaponiyada kuchli toshqin va yer koʻchkisi sodir boʻldi – dron yordamida olingan video
Shu bilan birga, “Yangiobod” va “Vodiy” MFYdagi 25 ta aholi tomorqasiga ham yomgʻir suvlari kirgan. Hozirda, avtomobil va temir yoʻllarining zarar koʻrgan qismida avariya-tiklash ishlari davom ettirilmoqda.
Bundan tashqari, Surxondaryo viloyatining Sherobod va Qumqoʻrgʻon tumanlarida yoqqan kuchli yomgʻir oqibatida hosil boʻlgan sel oqimlari Sherobod tumanidagi “Qorabogʻ” QFY va “Uchyogʻoch”, “Guliston”, “Gʻoʻrjak-2” MFYdagi 16 ta, Qumqoʻrgʻon tumani “Azlarsoy”, “Bogʻaro” va “Yelobod” MFYdagi 340 ta aholi xonadoni va tomorqasiga kirgan.
Ayni paytda Favqulodda vaziyatlar vazirligi xodimlarining saʼy-harakatlari natijasida maxsus texnikalar yordamida aholi yashash xonadonlaridan yomgʻir suvlari chiqarib tashlangan.
Shu bilan birga, ushbu hududlarda Favqulodda vaziyatlar vazirligi tomonidan doimiy kuzatuv ishlari yoʻlga qoʻyilgan. Vazirlik rahbariyati yuqorida tilga olingan viloyatlarda olib borilayotgan tadbirlarni muntazam nazorat qilib kelmoqda. Vazirlik xodimlari sel kelgan hududlarda fuqarlar holidan xabar olish, ularga zaruriy yordamlarni koʻrsatish bilan bogʻliq tadbirlarni amalga oshirmoqdalar.
Oʻz navbatida, bu kabi hodisalarning oqibatlarini kamaytirish maqsadida, Favqulodda vaziyatlar vazirligi hamda mahalliy hokimliklar va tegishli tashkilotlar hamkorligida muntazam ravishda yogʻingarchilik mavsumida sel, toshqin suvlari bilan bogʻliq holatlarning oldini olish uchun qator profilaktik tadbirlar amalga oshirib kelinmoqda.
Posledstviya navodneniya v Yaponii - Sputnik Oʻzbekiston, 1920, 03.08.2020
Dunyoda
Yaqin yuz yilda insoniyat global suv toshqiniga duch kelishi mumkin – olimlar
Jumladan, daryo, soy, ariq va kanallar oʻzanlarini tozalash hamda qirgʻoqlarini mustahkamlash boʻyicha joylarda 70 ta (yil davomida reja boʻyicha 165 ta) amaliy maxsus-taktik oʻquv mashqlari oʻtkazilgan. Ushbu tadbirlarga 1 078 ta texnika, 4 752 nafar shaxsiy tarkib jalb etilib, oʻquv-mashqlari davomida 41 924 m3 tuproq ishlari,
30 360 m3 qum-shagʻal, 4 207 m3 beton, 37 217 p/m oʻzan tozalash va boshqa ishlar amalga oshirilgan.
Qayd etish joizki, 2021 yil boshidan shu kunga qadar Toshqinga qarshi hududiy komissiyalar, “Oʻzgidromet” markazi va Xavfli geologik jarayonlarni kuzatish Davlat xizmatining oʻrganish natijalariga koʻra, respublikaning gidrometeorologik va geologik xavfli hududlarida fuqarolar yashayotganligi aniqlangan.
Bugungi kunda mutasaddilar tomonidan ularni xavfsiz hududlarga koʻchirish choralari koʻrilmoqda. Ayni vaqtda fuqarolarning bir qismi koʻchirilib oʻtildi. Bu jarayon bosqichma-bosqich, tizimli tarzda olib boriladi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala